സീതി സാഹിബ് പൊളിറ്റിക്കല്‍ അക്കാദമിയുടെ ലോഗോ പ്രകാശനം ചെയ്തു
ചെമ്മാട് ആസ്ഥാനമായി തിരൂരങ്ങാടി മണ്ഡലം മുസ്്ലിം യൂത്ത്ലീഗ് കമ്മിറ്റിയുടെ നേതൃത്വത്തില്‍ ആരംഭിക്കുന്ന സീതി സാഹിബ് പൊളിറ്റിക്കല്‍ അക്കാദമിയുടെ ലോഗോ പ്രകാശനം ചെയ്തു. മുസ്്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ മുസ്്‌ലിംലീഗ് സംസ്ഥാന ജനറല്‍ സെക്രട്ടറി അഡ്വ.പി.എം.എ സലാമിന് നല്‍കിയാണ് പ്രകാശനം ചെയ്തത്.
മുസ്്ലിം രാഷ്ട്രീയത്തിന്റെ പ്രസക്തി പുതുതലമുറയെ പഠിപ്പിക്കുകയാണ് അക്കാദമിയുടെ ലക്ഷ്യം. അക്കാദമിയില്‍ ജൂണ്‍ ഒന്നിന് ക്ലാസ് ആരംഭിക്കും. മെയ് ഒന്ന് മുതല്‍ പ്രവേശനത്തിന അപേക്ഷ നല്‍കാം. ആദ്യ ബാച്ചില്‍ 50 പേര്‍ക്കാണ് പ്രവേശനം. അപേക്ഷകര്‍ കൂടുതലുണ്ടെങ്കില്‍ പ്രവേശന പരീക്ഷ നടത്തും. ആറ് മാസത്തെ കോഴ്സ് പാസാകുന്നവര്‍ക്ക് സര്‍ട്ടിഫിക്കറ്റ് നല്‍കും. പാണക്കാട് നടന്ന ചടങ്ങില്‍ മുസ്്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ മുസ്്‌ലിംലീഗ് സംസ്ഥാന ജനറല്‍ സെക്രട്ടറി അഡ്വ.പി.എം.എ സലാമിന് നല്‍കി ലോഗോ പ്രകാശനം ചെയ്തും.
മുസ്്‌ലിംലീഗ് ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി, ട്രഷറര്‍ പി.വി അബ്ദുല്‍ വഹാബ് എം.പി, ദേശീയ വൈസ് പ്രസിഡന്റ് എം.പി അബ്ദുസ്സമദ് സമദാനി എം.പി, കെ.പി.എ മജീദ് എം.എല്‍.എ, കുറുക്്‌കോളി മൊയ്തീന്‍ എം.എല്‍.എ, എ.പി ഉണ്ണികൃഷ്ണന്‍, കെ കുഞ്ഞിമരക്കാര്‍, ഷരീഫ് വടക്കയില്‍, എ.കെ മുസ്തഫ, മണ്ഡലം മുസ്്ലിം യൂത്ത്ലീഗ് ജനറല്‍ സെക്രട്ടറി യു.എ റസാഖ്, അസീസ് ഉള്ളണം, ടി.കെ നാസര്‍, മുസ്തഫ കളത്തിങ്ങല്‍, എം.പി അബ്ദുസ്സമദ്, പി.കെ സല്‍മാന്‍, റബീഉദ്ദീന്‍ തുടങ്ങിയവര്‍ സംബന്ധിച്ചു.