*🛑ഒഡീഷ ട്രയിന്‍ ദുരന്തം; തിരിച്ചറിയാതെ ഇരുന്നൂറോളം മൃതദേഹങ്ങള്‍*

ഭൂവനേശ്വർ: ഒഡിഷ ട്രെയിൻ ദുരന്തത്തിൽ കൊല്ലപ്പെട്ടവരിൽ ഭൂരിപക്ഷം പേരുടേയും മൃതദേഹങ്ങൾ ഇനിയുംതിരിച്ചറിയാനായിട്ടില്ല. നൂറു കണക്കിന് മൃതദേഹങ്ങൾ വിവിധ മോർച്ചറികളിൽ ഇപ്പോഴും അവകാശികളെ കാത്ത് കിടക്കുകയാണ്. മരിച്ചവരുടെ ബന്ധുക്കളെ കണ്ടെത്താൻ ഓൺലൈൻസൗകര്യമൊരുക്കിയിരിക്കുകയാണ് ഒഡിഷ സർക്കാർ. വിവിധ സംസ്ഥാനങ്ങളിലുള്ളവർക്ക് ഒഡിഷ സർക്കാർ ഒരുക്കിയ പോർട്ടലിലൂടെ ബന്ധുക്കളെ കണ്ടെത്താനാകുമെന്നാണ് പ്രതീക്ഷിക്കുന്നത്. ദുരന്തത്തിൽ പരിക്കേറ്റ് വിവിധ ആശുപത്രികളിൽ കഴിയുന്നവരുടെ പട്ടികയും ഒഡീഷ സർക്കാരിന്റെ വെബ്സൈറ്റുകളിൽ നൽകിയിട്ടുണ്ട്.അപകടത്തിൽ ഇതുവരെ മരിച്ചത് 275 പേരാണെന്ന് ഒഡിഷ ചീഫ് സെക്രട്ടറി പ്രദീപ് ജെന അറിയിച്ചു. നേരത്തെ 288 പേർ മരിച്ചെന്നായിരുന്നു അറിയിച്ചിരുന്നത്. ചില മൃതദേഹങ്ങൾ രണ്ടു തവണ എണ്ണിയതാണ് ഈ പിശകിന് കാരണമെന്ന് ഒഡിഷ സർക്കാർ അറിയിച്ചു. മരിച്ച 275 പേരിൽ 88 പേരുടെ മൃതദേഹങ്ങൾ മാത്രമേ ഇതുവരെ തിരിച്ചറിയാനായിട്ടുള്ളൂവെന്നും ഒഡിഷ ചീഫ് സെക്രട്ടറി വ്യക്തമാക്കി. 1175 പേർക്ക് പരിക്കേറ്റതിൽ 793 പേർ ചികിത്സയ്ക്ക് ശേഷം ആശുപത്രി വിട്ടെന്നും അദ്ദേഹം കൂട്ടിച്ചേർത്തു.ദുരന്തത്തിൽ മരിച്ചവരുടെ മൃതദേഹങ്ങൾ തിരിച്ചറിയുക എന്നതാണ് ഒഡിഷ സർക്കാർ ഇപ്പോൾ നേരിടുന്ന ഏറ്റവും വലിയ വെല്ലുവിളി. ഇതിന്റെ ഭാഗമായി മൃതദേഹങ്ങളുടെ ഫോറൻസിക് പരിശോധന നടത്താൻ തീരുമാനിച്ചിട്ടുണ്ട്. സംസ്ഥാന ഫോറൻസിക് സയൻസ് ലബോറട്ടറിയിലാണ് എല്ലാ മൃതദേഹങ്ങളുടെയും ഡിഎൻഎ പരിശോധന നടത്തുന്നതെന്ന് ഒഡിഷ സർക്കാർ അറിയിച്ചു.മരിച്ചവരുടെ ഫോട്ടോകൾ തിരിച്ചറിയാൻ സഹായിക്കുന്നതിന് മാത്രമാണ് പോസ്റ്റ് ചെയ്യുന്നത്. അപകടത്തിന്റെ സ്വഭാവം കണക്കിലെടുത്ത് ഈ ചിത്രങ്ങൾ അസ്വസ്ഥത ഉണ്ടാക്കുന്നവയാണ്. കുട്ടികൾ ഈ ചിത്രങ്ങൾ കാണുന്നത് ഒഴിവാക്കണമെന്നും സർക്കാർ മുന്നറിയിപ്പ് നൽകിയിട്ടുണ്ട്.ബന്ധുക്കൾക്ക് 1929 എന്ന ഹെൽപ്പലൈൻ നമ്പറിലൂടെ അധികൃതരെ ബന്ധപ്പെടാം. മോർച്ചറികളിലേക്കും ആശുപത്രികളിലേക്കും എത്തുന്നതിന്വാഹനസൗകര്യവും ഏർപ്പെടുത്തിയിട്ടുണ്ട്.

Subscribe our YouTube channel Now!!
👇👇👇👇

വാർത്തകൾ വാട്ട്സ്ആപ്പ് ഗ്രൂപ്പിലൂടെ ലഭിക്കുവാൻ
Tap Here!!👇🏻👇👇