മീനടത്തൂർ ഹൈസ്കൂളിൽ ജില്ലാ പഞ്ചായത്തിന്റെ വിവിധ പദ്ധതികൾക്ക് തുടക്കം കുറിച്ചു

താനാളൂർ: മീനടത്തൂർ ഗവ. ഹൈസ്കൂളിൽ മലപ്പുറം ജില്ലാ പഞ്ചായത്ത് നടപ്പിലാക്കുന്ന വിവിധ പദ്ധതികളുടെ പ്രവർത്തി ഉദ്ഘാടനം ജില്ലാ പഞ്ചായത്ത് മെമ്പർ വി.കെ.എം ഷാഫി നിർവഹിച്ചു. മലപ്പുറം ജില്ലാ പഞ്ചായത്ത് 2023 – 24 വാർഷിക പദ്ധതിയിൽ ഉൾപ്പെടുത്തി 30 ലക്ഷം രൂപ ചെലവിൽ നിർമ്മിക്കുന്ന പാചകപ്പുരയുടെയും ഡൈനിംഗ് ഹാളിന്റെയും 28 ലക്ഷം രൂപ ചെലവിൽ നിർമ്മിക്കുന്ന ക്ലാസ് റൂം കെട്ടിടത്തിന്റെയും 20 ലക്ഷം രൂപ വകയിരുത്തി നിർമ്മിക്കുന്ന വാഷ് റൂം കോംപ്ലക്സിന്റെയും പ്രവർത്തി ഉദ്ഘാടനമാണ് നിർവഹിച്ചത്. മലപ്പുറം ജില്ലാ പഞ്ചായത്ത് നിലവിലെ ഭരണസമിതി വന്നതിനു ശേഷം ഇതിനകം ഒരു കോടി രൂപയുടെ വികസന പ്രവർത്തനങ്ങൾക്കാണ് മീനടത്തൂർ ഹൈസ്കൂളിൽ നടാപ്പിലാക്കിയത്. മൂന്ന് പ്രവർത്തികളും മാർച്ച് മാസത്തോടുകൂടി പൂർത്തീകരിക്കാൻ കഴിയുമെന്നാണ് പ്രതീക്ഷിക്കുന്നതെന്ന് ജില്ലാ പഞ്ചായത്ത് മെമ്പർ വികെഎം ഷാഫി പറഞ്ഞു. ചടങ്ങിൽ താനാളൂർ ഗ്രാമപഞ്ചായത്ത് പ്രസിഡണ്ട് കെ.എം. മല്ലിക ടീച്ചർ അധ്യക്ഷത വഹിച്ചു. ഗ്രാമപഞ്ചായത്ത് അംഗം കുഞ്ഞിപ്പ തെയ്യമ്പാടി, പിടിഎ പ്രസിഡണ്ട് കെ.പി. ശിഹാബുദ്ദീൻ, ടി.പി.എം. മുഹ്സിൻ ബാബു, പ്രധാന അധ്യാപിക മേഴ്സി ജോർജ്, രോഹിണി ടീച്ചർ, ഉമേഷ് മാസ്റ്റർ, നൗഷാദ് മാസ്റ്റർ, മുൻ ഗ്രാമപഞ്ചായത്ത് അംഗം കുഞ്ഞു മീനടത്തൂർ എന്നിവർ പ്രസംഗിച്ചു.

Subscribe our YouTube channel Now!!
👇👇👇👇

വാർത്തകൾ വാട്ട്സ്ആപ്പ് ഗ്രൂപ്പിലൂടെ ലഭിക്കുവാൻ
Tap Here!!👇🏻👇👇