ഐക്യദാർഢ്യ റാലി ഇന്ന് (ശനി )

മുസ്ലിം ഐക്യവേദിയുടെ ഫലസ്തീൻ താനൂർ : അന്താരാഷ്ട്ര നിയമങ്ങൾ ലംഘിച്ചുകൊണ്ട് ഇസ്രായേൽ ഭീകര രാഷ്ട്രം പതിറ്റാണ്ടുകളായി ഫലസ്തീൻ ജനതയ്ക്ക് മേൽ നടത്തുന്ന അതിക്രമത്തിൽ പ്രതിഷേധിച്ചും ഫലസ്തീൻ ജനതക്ക് ഐക്യദാർഢ്യം പ്രഖ്യാപിച്ചും താനൂർ മുസ്ലിം ഐക്യവേദിയുടെ നേതൃത്വത്തിൽ ഇന്ന് വൈകിട്ട് നാലുമണിക്ക് ഫലസ്തീൻ ഐക്യദാർഢ്യ റാലിയും സംഗമവും സംഘടിപ്പിക്കും.കുടിവെള്ളവും മരുന്നും ഭക്ഷണവും നിഷേധിച്ചുകൊണ്ടും ആശുപത്രിയിൽ ചികിത്സ തേടിയവരെ പോലും ബോംബിട്ട് കൊന്നുകൊണ്ട് അതിക്രൂരമായ ആക്രമണമാണ് ഫലസ്തീൻ ജനതയ്ക്ക് മേൽ ഇസ്രായേൽ സയണിസ്റ്റുകൾ നടത്തിക്കൊണ്ടിരിക്കുന്നത്.ഇന്ത്യയിലെ മുൻ ഭരണാധികാരികൾ ഫലസ്തീനിലെ മർദ്ദിത ജനവിഭാഗത്തോടൊപ്പം ആണ് നിലകൊണ്ടതെങ്കിലും, രാജ്യം ഭരിക്കുന്ന ഫാസിസ്റ്റ് സർക്കാർ ഇസ്രായേൽ എന്ന ഭീകര രാഷ്ട്രത്തിനൊപ്പമാണ് ചേർന്നിരിക്കുന്നത്.മനുഷ്യത്വവും ജനാധിപത്യ ബോധവുമുള്ള മുഴുവൻ ജനങ്ങളും ഈ അക്രമത്തിനെതിരെയും അക്രമത്തിന് പിന്തുണ പ്രഖ്യാപിച്ചവർക്കെതിരെയും പ്രതിഷേധിക്കുക, ഐക്യദാർഢ്യ റാലി വൈകിട്ട് നാലുമണിക്ക് ഹാർബർ പരിസരത്തു നിന്നും തുടങ്ങി താനൂർ പഴയ ബസ്റ്റാൻഡ് പരിസരത്ത് സമാപിക്കും,വിവിധ മതസംഘടന നേതാക്കളും രാഷ്ട്രീയപ്പാർട്ടി നേതാക്കളും പ്രവർത്തകരും റാലിയിൽ അണിനിരക്കുമെന്ന് ഭാരവാഹികൾ അറിയിച്ചു.ഇസ്ലാഹുൽ ഉലൂം അറബിക് കോളേജിൽ ചേർന്ന മുന്നൊരുക്ക യോഗത്തിൽ ചെയർമാൻ സമദ് ഫൈസി അധ്യക്ഷത വഹിച്ചു,എം പി അഷ്റഫ്,യൂ എൻ സിദ്ദീഖ്,സി എം സദഖത്തുള്ള, കളത്തിൽ മുസ്തഫ, എം ടി മുഹമ്മദ്‌,ടി പി എം കുഞ്ഞിഖാദർ,വി പി ബാബു,സി മുഹമ്മദ്‌ അഷ്‌റഫ്‌ എന്നിവർ സംസാരിച്ചു, ടിവി കുഞ്ഞൻ ബാവ ഹാജി, എ പി മുഹമ്മദ് ശരീഫ്, കെ സലാം,ടിവി കുഞ്ഞുട്ടി,സി ജലീൽ, എം സി ബഷീർ,ബാബു കള്ളിയത്ത് ഇ ഫൈസൽ എന്നിവർ ചടങ്ങിൽ സംബന്ധിച്ചു.ജന്മനാടിന് പോരാടും ഫലസ്തീൻ ജനതക്ക് ഐക്യദാർഢ്യം പ്രഖ്യാപിക്കുവാൻ ഇന്ന് 4 മണിക്ക് താനൂർ ഹാർബർ പരിസരത് എത്തി ചേരുക.

Subscribe our YouTube channel Now!!
👇👇👇👇

വാർത്തകൾ വാട്ട്സ്ആപ്പ് ഗ്രൂപ്പിലൂടെ ലഭിക്കുവാൻ
Tap Here!!👇🏻👇👇