റോഡപകടം: കുടുംബങ്ങൾക്ക് തീരാനഷ്ടം: അഡ്വ. കെ. മോഹൻദാസ്

മലപ്പുറം: റോഡു നിയമങ്ങൾ പാലിക്കാതെയുള്ള അമിത വേഗതയും അശ്രദ്ധയുമാണ് വാഹനാപകടങ്ങൾ അധികരിക്കാനുള്ള പ്രധാന കാരണങ്ങളെന്ന് ഡിസ്ട്രിക്ട് കൺസ്യൂമർ ഡിസ്പ്യൂട്ട് റിഡ്രസ്സൽ കമ്മീഷൻ ചെയർമാൻ അഡ്വ. കെ. മോഹൻദാസ് അഭിപ്രായപ്പെട്ടു. ശക്തമായ നിയമ ലംഘന നടപടികളും റോഡ് ഓഡിറ്റിംഗും പ്രായോഗികമായ ഡ്രൈവിംഗ് രീതികളും നിരന്തരമായ റോഡുസുരക്ഷാ ബോധവൽക്കരണങ്ങളും കൊണ്ട് നമുക്കിതിനെ മറി കടക്കാനാകും. ഒരു പുതിയ റോഡു സംസ്കാരം രൂപപ്പെടുത്താനുതകുന്ന രീതിയിൽ “ഒരിറ്റു ശ്രദ്ധ; ഒരു പാടായുസ് ” എന്ന റാഫിൻ്റെ ആപ്തവാക്യത്തിന് ഏറെ പ്രസക്തിയുണ്ടെന്നദ്ദേഹം പറഞ്ഞു. ബോധവൽക്കരണത്തിലൂടെയും നിയമത്തിൻ്റെ സഹായത്തോടെയും ടിപ്പർ അടക്കമുള്ള ഹെവി വാഹനങ്ങളുടെ സഞ്ചാര സമയം നിയന്ത്രിച്ചും കുടുംബങ്ങൾക്കുണ്ടാകുന്ന തീരാനഷ്ടങ്ങൾ നികത്താനാകണo.
റോഡ് ആക്സിഡൻ്റ് ആക് ഷൻ ഫോറം തിരുരങ്ങാടി മേഖല കൺവെൻഷനും റോഡുസുരക്ഷാ സമ്മേളനവും ബി കെ.സൈത് നഗറിൽ ഉദ്ഘാടനം ചെയ്തു സംസാരിക്കുയായിരുന്നദ്ദേഹം. റാഫ് സംസ്ഥാന പ്രസിഡണ്ട് ഡോ.കെ എം.അബ്ദു മുഖ്യ പ്രഭാഷണം നടത്തി. ജില്ല പ്രസിഡണ്ട് എം ടി. തെയ്യാല അധ്യക്ഷനായിരുന്നു. റോഡു സുരക്ഷാ ലഘുലേഖ പ്രകാശനo തിരുരങ്ങാടി മുനിസിപ്പൽ വികസന സ്റ്റാൻ്റിംഗ് കമ്മിറ്റി ചെയർമാൻ ഇക്ബാൽ കല്ലിങ്കലും റാഫ് ഐ ഡി കാർഡുകളുടെ വിതരണം സംസ്ഥാന രക്ഷാധികാരി പാലോളി അബ്ദു റഹ് മാനും നിർവ്വഹിച്ചു. മോട്ടോർ വെഹിക്കിൾസ് ഇൻസ്പെക്ടർ എം കെ. പ്രമോദ് ശങ്കർ ക്ലാസ്സെടുത്തു. കൊണ്ടാണത്ത് ബീരാൻ ഹാജി, കെ എസ് ദാസ്, റഹീം മച്ചിഞ്ചേരി, വിജയൻ കൊളത്തായി, സാബിറ ചേളാരി, ഏടി. സൈതലവി, ബേബിഗിരിജ, കെ പി. സദഖത്തുള്ള, സി.ഹരികുമാർ,ഏ കെ ജയൻ,മൊയ്തീൻ കുട്ടി ചുള്ളിപ്പാറ തുടങ്ങിയവർ പ്രസംഗിച്ചു. റാഫ് ജില്ലാ സെക്രട്ടറി നൗഷാദ് മാമ്പ്ര സ്വാഗതവും എൻ.ടി. മൈമൂന നന്ദിയും പറഞ്ഞു. കൊണ്ടാണത്ത് ബീരാൻ ഹാജി പ്രസിഡണ്ടും കെ എസ് ദാസ് സെക്രട്ടറിയും നൗഷാദ് നരിമടക്കൽ ട്രഷററുമായി മേഖല കമ്മിറ്റി പുന:സംഘടിപ്പിച്ചു.
പടം..റോഡ് ആക്സിഡൻ്റ് ആക് ഷൻ ഫോറം മേഖല കൺവൻഷനും റോഡു സുരക്ഷ സമ്മേളനവും സി ഡി ആർ സി പ്രസിഡണ്ട് അഡ്വ.കെ മോഹൻ ദാസ് ഉദ്ഘാടനം ചെയ്യുന്നു.

‘