..മണവാട്ടിയും തോഴിമാരുംനിറഞ്ഞാടി സ്കൂൾ കലോൽസവം

.തിരൂരങ്ങാടി: തിരൂരങ്ങാടി ഗവ:ഹയർ സെക്കണ്ടറി സ്കൂളിൽ നടക്കുന്ന പരപ്പനങ്ങാടി ഉപജില്ലാ സ്കൂൾ കലോൽസവത്തിലെ രണ്ടാം ദിനം കാണികളുടെ മനം കവർന്ന് കലോൽസവ പരിപാടികൾ അരങ്ങേറി. രാവിലെ വേദി ഒന്നിൽ ഹൈസ്കൂൾ വിഭാഗം ആൺകുട്ടികളുടെയും ഹയർ സെക്കണ്ടറി വിഭാഗം ആൺകുട്ടികളുടെയും വട്ടപ്പാട്ട് മൽസരത്തോടെയാണ് ആരംഭിച്ചത്. വേദി രണ്ടിൽ മൂകാഭിനയവും നാടകവും അരങ്ങേറി. വേദി മൂന്നിൽ നാടോടി നൃത്തവും മോഹിനിയാട്ടവും തിരുവാതിരക്കളിയും അരങ്ങേറി. വേദി ഏഴിൽ സംഘഗാനവും വേദി എട്ടിൽ അറബി കലോൽസവും അരങ്ങേറി. ഉച്ചക്ക് ശേഷം വേദി ഒന്നിൽ നടന്ന ഒപ്പന മൽസരം കലോൽസവ നഗരിയെ ഇളക്കി മറിച്ചു. മണവാട്ടിയും തോഴിമാരും ഇശ ലൊത്ത ഗാനവുമായി വേദിയിൽ നിറഞ്ഞാടി.കലോൽസവത്തിൽ ഇതുവരെ നടന്ന മൽസരങ്ങളിൽ 228 പോയിന്റുമായി സി.ബി. എച്ച്. എസ്. സ്കൂൾ മുന്നിട്ട് നിൽക്കുന്നു. 193 പോയിന്റുമായി ജി.എച്ച് എസ്. സ്കൂൾ തിരൂരങ്ങാടിയും 180 പോയിന്റുമായി സൂപ്പി കുട്ടി നഹ മെമ്മോറിയൽ ഹയർ സെക്കണ്ടറി സ്കൂളും നിൽക്കുന്നു.തിരൂരങ്ങാടി ഹയർ സെക്കണ്ടറി സ്കൂളിന് പുറമെ ഓറിയന്റൽ ഹൈ സ്കൂളിലുമായി എട്ട് വേദികളിലായാണ് മൽസരങ്ങൾ നടക്കുന്നത്.റിപ്പോർട്ട്:അഷ്റഫ് കളത്തിങ്ങൽ പാറ

Subscribe our YouTube channel Now!!
👇👇👇👇

വാർത്തകൾ വാട്ട്സ്ആപ്പ് ഗ്രൂപ്പിലൂടെ ലഭിക്കുവാൻ
Tap Here!!👇🏻👇👇