പാലത്തിങ്ങൽ പഴയ പാലത്തിന് സുരക്ഷയൊരുക്കി എ.ഐ.വൈ.എഫ്

തിരൂരങ്ങാടി: ഇറിഗേഷൻ വകുപ്പിന്റെ അധീനതയിലുള്ള പാലത്തിങ്ങൽ റെഗുലേറ്റർ കം ബ്രിഡ്ജിന്റെ കൈവരികൾ തകർന്നിട്ട് മാസങ്ങളായി. സുരക്ഷ ഭീഷണി ഏറെയുള്ള ഈ ഭാഗത്ത് അധികൃതർ മുൻ കരുതലുകൾ ഒരുക്കാത്ത സാഹചര്യത്തിലാണ് കൈവരി സ്ഥാപിച്ചത്.

സ്കൂൾ വിദ്യാർത്ഥികളും കാൽനടയാത്രക്കാരും അപകട ഭീഷണി നേരിട്ടുകൊണ്ടിരിക്കുന്ന സാഹചര്യത്തിൽ അപകടം മുന്നിൽ കണ്ടാണ് പള്ളിപ്പടി യൂണിറ്റ് കമ്മിറ്റി പാലത്തിങ്ങൽ പഴയ പാലത്തിന് കൈവരി സ്ഥാപിച്ച് സുരക്ഷ ഒരുക്കിയത്.

എ.ഐ.വൈ.എഫ് പള്ളിപ്പടി യൂണിറ്റ് പ്രസിഡന്റ് റഹീം കുട്ടശ്ശേരി, ജോയിൻ സെക്രട്ടറി റഷീദ്. യു, എ.ഐ.വൈ.എഫ് ജില്ലാ വൈസ് പ്രസിഡന്റ് എം.പി സ്വാലിഹ് തങ്ങൾ, ശാഫി വി.പി, ശംസുദ്ധീൻ തോട്ടത്തിൽ, ഹനീഫ.സി, ഹരീശ്വരൻ തുടങ്ങിയവർ നേതൃത്വം നൽകി.