കോഴിക്കോട് മെഡിക്കല്‍ കോളേജിലെ ഓക്സിജന് ക്ഷാമത്തിന് താല്‍ക്കാലിക പരിഹാരമായി….
കോഴിക്കോട് മെഡിക്കല്‍ കോളേജ് ആശുപത്രിയിലെ ഓക്സിജന് ക്ഷാമത്തിന് താല്‍ക്കാലിക പരിഹാരമായി. കഞ്ചിക്കോട് നിന്ന് ഓക്സിജന് എത്തിച്ചു. ഇന്നലെ രാത്രി മുതൽ മെഡിക്കൽ കോളജിൽ ഓക്സിജന് ക്ഷാമം രൂക്ഷമാവുകയായിരുന്നു. ക്ഷാമത്തെ തുടര്‍ന്ന് അടിയന്തര ശസ്ത്രക്രിയകള്‍ ഒഴികെ എല്ലാം മാറ്റിവെച്ചിരിക്കുകയായിരുന്നു. അടിയന്തര സാഹചര്യമായതിനാൽ ആശുപത്രി അധികൃതര്‍ പകരം സംവിധാനം ഒരുക്കാന്‍ നെട്ടോട്ടമോടുകയായിരുന്നു. വളരെ പണിപ്പെട്ടാണ് താൽക്കാലിക സംവിധാനം ഒരുക്കിയത്.
നാളെ രാവിലെ വരെയുള്ള ഉപയോഗത്ത് മാത്രമേ ഈ ഓക്സിജൻ തികയൂ എന്ന് ആശുപത്രി അധികൃതര്‍ അറിയിച്ചു. ഓക്സിജന് വിതരണം ചെയ്യുന്നത് മുടങ്ങിയതാണ് ക്ഷാമത്തിന് കാരണമായത്. സാങ്കേതിക പ്രശ്നമാണ് ഓക്സിജന് എത്തിക്കാന്‍ തടസ്സമായതെന്നാണ് ഓക്സിജൻ വിതരണം ചെയ്യുന്ന കമ്പനിയുടെ വിശദീകരണം.
അടിയന്തര സ്വഭാവമുള്ള ശസ്ത്രക്രിയകള്‍ മാത്രമാണ് ഇതുവരെ നടത്തിയത്. പൂര്‍ണ്ണമായും ഓക്സിജന് ക്ഷാമം പരിഹരിച്ചാൽ മാത്രമേ മുന്‍കൂട്ടി നിശ്ചയിച്ച ശസ്ത്രക്രിയകള്‍ നടത്താൻ കഴിയുള്ളൂ എന്ന് അധികൃതര്‍ അറിയിച്ചു. കൊവിഡ് രോഗികള്‍ കൂടി ഉള്ളതിനാള്‍ കൂടുതല്‍ അളവിൽ ഓക്സിജന് ആശുപത്രിക്ക് ആവശ്യമുണ്ട്.