നേർച്ചപ്പെട്ടിയ്ക്ക് തിയേറ്ററുകൾ വിലക്കുന്നു എന്ന് പരാതി

കന്യാസ്ത്രീയുടെ പ്രണയം എന്ന ടാഗ് ലൈനോടെവന്നു. ട്രെയിലെറും സോങ്ങും റിലീസ്ആയി, ഇതിനോടകം തന്നെ ശ്രദ്ധിക്കപ്പെട്ടുവെങ്കിലും സോഷ്യൽ മീഡിയയിൽ വിവാദമായിരിക്കുകയാണ് നേർച്ചപ്പെട്ടി എന്ന ചിത്രം. ക്രൈസ്തവ സഭക്കെതിരെയാണ് ഈ ചിത്രം സംസാരിക്കുന്നത് എന്ന് ഊഹാപോഹങ്ങൾ ഉള്ളതിനാൽ പല ഭാഗത്തുനിന്നും സോഷ്യൽ മീഡിയ ആക്രമങ്ങൾ ചിത്രത്തിന് നേരെ വരുന്നുണ്ട്. ചിത്രീകരണ സമയത്ത് തന്നെ വിവാദങ്ങൾക്ക് തുടക്കം കുറിക്കുകയായിരുന്നു. ലൊക്കേഷനിൽ എത്തിയ ഒരു സംഘം ആളുകൾ ചിത്രീകരണം തടസ്സപ്പെടുത്തുകയും കയ്യേറ്റ ശ്രമം നടത്തു കയുമായിരുന്നു. എതിർപ്പുകളെ അവഗണിച്ചുകൊണ്ട് വർക്ക് പൂർത്തിയാക്കി ജൂലൈ 28ന് റിലീസിംഗ് ഡേറ്റ് നിശ്ചയിച്ചിരുന്നു എങ്കിലും ക്രിസ്ത്യൻ മേഖലകളിൽ തിയേറ്ററുകൾ കിട്ടുന്നില്ല എന്നും ചിലബാഹ്യ ശക്തികൾ ഇടപെട്ട് തിയേറ്ററുക്കാരെ സ്വാധീനിച്ച് തീയറ്റർ ബ്ലോക്ക് ചെയ്യാൻ ശ്രമിക്കുന്നുണ്ടെന്ന് പ്രൊഡ്യൂസർ ആരോപിച്ചു.തൃശ്ശൂർ കേന്ദ്രീകരിച്ചുള്ള സന്യസ്ത്വ സമൂഹം ചിത്രത്തിനെതിരെ ഇറക്കിയിട്ടുള്ള സോഷ്യൽ മീഡിയ കുറിപ്പുകൾ ഇതിനോടകം വൈറലായിരിക്കുകയാണ്. വിശ്വാസികളോട് ചിത്രത്തിനെതിരെ പ്രവർത്തിക്കുവാൻ ആഹ്വാനം ചെയ്യുന്ന രീതിയിലാണ് സോഷ്യൽ മീഡിയ കുറിപ്പ്. വിവിധ മേഖലകളിലുള്ള പ്രചരണ ബോർഡുകൾ വ്യാപകമായി തകർക്കപ്പെട്ടിട്ടുണ്ട്. ചിത്രം റിലീസ് ചെയ്യാൻ സമ്മതിക്കില്ലെന്നും ചിത്രത്തിനെതിരെ വ്യാപകമായ രീതിയിൽ പരാതികൾ പോകാൻ തയ്യാറെടുക്കുകയാണെന്നും ചില വിശ്വസ്ത ഇടങ്ങളിൽ നിന്നും അറിവ് കിട്ടിയിട്ടുണ്ടന്നു പ്രൊഡ്യൂസർ പറഞ്ഞു. ചിത്രത്തിന്റെ റിലീസ് അനിശ്ചിതാവസ്ഥയിലാണ്. വാർത്തപ്രചരണം എം .കെ ഷെജിൻ

Subscribe our YouTube channel Now!!
👇👇👇👇

വാർത്തകൾ വാട്ട്സ്ആപ്പ് ഗ്രൂപ്പിലൂടെ ലഭിക്കുവാൻ
Tap Here!!👇🏻👇👇