കിഴക്കൻ ഏറനാട്ടിലെ സാധാരണക്കാരന്റെ നേതാവായിരുന്നു കുഞ്ഞാക്ക : കുറ്റമ്പാറ അബ്ദുറഹ്മാൻ ദാരിമി
നിലമ്പൂർ : കിഴക്കനേറനാട്ടിലെ ജാതി മത ഭേദമന്യേയുള്ള സാധാരണക്കാരായ ആളുകളുടെ അത്താണിയായ ജന നേതാവായിരുന്നു ആര്യാടൻ മുഹമ്മദെന്നും ഇതിന്റെ പ്രകടമായ തെളിവാണ് കുഞ്ഞാക്കയെന്ന ഓമനപ്പേരെന്നും മജ്മഅ് ജനറൽ സെക്രട്ടറിയും കേരള മുസ്ലിം ജമാഅത്ത് ജില്ല പ്രസിഡന്റുമായ കൂറ്റമ്പാറ അബ്ദുറഹ്മാൻ ദാരിമി അനുശോചന സന്ദേശത്തിൽ പറഞ്ഞു. സുന്നികളുടെ പ്രതിസന്ധി ഘട്ടത്തിൽ നിലമ്പൂരിൽ പ്രത്യേകിച്ചും കുഞ്ഞാക്കയുടെ സഹായം എന്നെന്നും സ്മരിക്കപ്പെടുമെന്നും അദ്ദേഹം പറഞ്ഞു. വീട്ടിൽ വെച്ച് ജനാസ നിസ്ക്കാരത്തിനും അദ്ദേഹം നേതൃത്വം നൽകി. ജില്ല സെക്രട്ടറി കെ.പി. ജമാൽ കരുളായി മജ്മഅ് മാനേജർ സീ ഫോർത്ത് അബ്ദുറഹ്മാൻ ദാരിമി, ജില്ല കൗൺസിലർമാരായ കൊമ്പൻ മുഹമ്മദാജി, സ്വാദിഖ്‌ ഹാജി കരിമ്പുഴ ,സോൺ ജനറൽ സെക്രട്ടറി ശൗക്കത്തലി സഖാഫി എന്നിവരും ജനാസ സന്ദർശിച്ചു.