എടപ്പാൾ ഗവൺമെന്റ് ഹയർ സെക്കൻഡറി സ്കൂളിലെ എൻഎസ്എസ് വിദ്യാർത്ഥികളുടെ വെളിച്ചം 2022 എന്ന സപ്തദിന സഹവാസ ക്യാമ്പിന്റെ സമാപന സമ്മേളനം നടന്നു.

ലഹരിക്കെതിരെയുള്ള സന്ദേശം ഉയർത്തിക്കൊണ്ട് എടപ്പാൾ ഗവൺമെന്റ് ഹയർ സെക്കൻഡറി സ്കൂളിലെ എൻഎസ്എസ് വിദ്യാർത്ഥികൾ വെളിച്ചം 2022 എന്ന പേരിൽ നടത്തിയ സപ്തദിന സഹദാസ ക്യാമ്പിന്റെ സമാപന സമ്മേളനം വട്ടംകുളം ജി.ജെ.ബി. സ്കൂളിൽ വച്ച് നടന്നു. വിദ്യാർത്ഥികൾക്ക് ലഹരിയെക്കുറിച്ചുള്ള ബോധവൽക്കരണവും ലഹരി ക്കെതിരെയുള്ള സന്ദേശ ജാഥ നടത്തിയും, ലഹരിക്കെതിരെയുള്ള ഒപ്പുശേഖരണ നടത്തിയും മാതൃകയായി. കൂടാതെ ബഡ്സ് സ്കൂളിലെ വിദ്യാർഥികൾ നിർമ്മിച്ച ഉപകരണങ്ങൾ വിറ്റഴിക്കുന്നതിനും അഗ്രികൾച്ചർ മേഖലയെ പ്രോത്സാഹിപ്പിക്കുന്നതിന്റെ ഭാഗമായി വീട് വീടാന്തരം സന്ദർശിച്ച് അടുക്കളത്തോട്ടം നിർമ്മിക്കുകയും പ്രായമായ ആളുകളെ സന്ദർശിച്ച് അവർക്കുള്ള ആശ്വാസം നൽകുകയും ഇന്ത്യൻ ഭരണഘടന എന്ന വിഷയത്തെക്കുറിച്ച് വിദ്യാർത്ഥികളെ ബോധവൽക്കരിക്കുകയും, വാനനിരീക്ഷണം സംഘടിപ്പിക്കുകയും അങ്ങനെ വിവിധ തരത്തിലുള്ള പരിപാടികൾ അവതരിപ്പിച്ചുകൊണ്ട് ഏഴുദിന എൻഎസ്എസ് വിദ്യാർഥികളുടെ ഈ സഹവാസ ക്യാമ്പ് ഇന്ന് അവസാനിച്ചു. സമാപന സമ്മേളനത്തിൽ പിടിഎ പ്രസിഡണ്ട് അഡ്വക്കറ്റ് കബീർ കാരിയാട്ട് അധ്യക്ഷത വഹിച്ചു. മലപ്പുറം ജില്ലാ പഞ്ചായത്ത് മെമ്പർ അഡ്വക്കേറ്റ് പി പി മോഹൻദാസ് സമാപന സമ്മേളനം ഉദ്ഘാടനം ചെയ്തു. എസ് എം സി ചെയർമാൻ സുന്ദരൻ സ്വാഗതം പറഞ്ഞു. ചടങ്ങിൽ വട്ടംകുളം പഞ്ചായത്ത് മുൻ പ്രസിഡണ്ട് എം മുസ്തഫ, വട്ടംകുളം ജിജെബി സ്കൂൾ പ്രധാന അധ്യാപിക ബിന്ദു മോൾ, മുസ്തഫ കോട്ടപ്പറമ്പിൽ സജി,കെഎം അബ്ദുൽ ഗഫൂർ എന്നിവർ ആശംസ അറിയിച്ചു. എൻഎസ്എസ് വിദ്യാർത്ഥികളുടെ സജീവ സാന്നിധ്യവും ഉണ്ടായി. പ്രോഗ്രാം ഓഫീസർ രാജീവ് മാസ്റ്റർ പ്രോഗ്രാം വിശദീകരണവും നടത്തി. എൻഎസ്എസ് വിദ്യാർത്ഥികളുടെ നേതൃത്വത്തിൽ ക്യാമ്പ് അവലോകവും നടത്തി. പിടിഎ എക്സിക്യൂട്ടീവ് അംഗം പ്രബിൻ നന്ദിയും പറഞ്ഞു.